周国贤连环“咀”击 - 达人(but@賢)

2005/08/28 | 周国贤连环“咀”击
类别(一賢#為定) | 评论(0) | 阅读(66) | 发表于 17:34: 周国贤Endy是有妇之夫，在娱乐圈打滚，有好处，亦有坏处。好处是传绯闻的机会极少，因为已有固定伴侣，没什么好传了。坏处就是要向“老婆大人”解释工作性质，否则遇到剧情需要，要跟其他女艺人有亲热动作的话，惹来“老婆大人”误会便麻烦了。

周国贤入行以来一向“守身如玉”，和其他女歌手合作都不会过于亲近。就算跟同公司兼老友鬼鬼嘅薛凯琪合作表演，最多都只是搭搭膊头而已。

老婆唔知情
9月16日至19日，Endy就会联同何韵诗及杨淇等人合演一齣名为《梁祝下世传奇》的舞台剧。Endy在剧中会饰演“梁山伯”，跟饰演“祝英台”的何韵诗会有很多肌肤之亲。“听讲肌肤之亲係少不免嘅，但係而家都仲未知，要等到时导演排到咁上下先知有几多。我愿意为艺术牺牲架！不过我谂亲热戏都係点到即止啫。我仲未同我老婆讲呀！不过我知佢会明白呢啲係我嘅工作。”

陪老婆煲戏
众所周知，Endy是已婚男士。之前亦有报道指Endy 因为工作太忙，所以要靠上网找人聊天解闷。Endy每次谈及太太时，总会轻轻或用笑话带过就算，好明显想保护家人的私隐。
“我係偶像派嚟架嘛！哈哈！其实我同太太关系好好，去年初入行，工作好多，加上未适应娱乐圈嘅生活，所以冇乜时间陪屋企人。但係而家唔会喇，时间分配得好好，前排我仲陪我太太煲碟睇韩剧添！”

怀疑爱男人
这次Endy演出舞台剧，对他来说挑战甚大，除了有亲热戏之外，还要跟“下世祝英台”普出一段同性恋。
“我以前喺纽西兰读书嗰阵，试过同一个男仔好Close，成日约出去饮嘢、倾偈，搞到我都有啲怀疑自己係唔係同性恋。后尾我用手踭掂佢，发觉自己冇Feel，先肯定自己性取向正常。今次之所以会做呢个舞台剧，都係想报恩啫！因为阿诗之前帮我做音乐，所以想借今次机会多谢佢。今次我係收‘友情价’做呢个舞台剧架！”

Race有份锡
除了跟何韵诗有亲热戏之外，Endy跟2R的Race亦有可能有亲密接触，因为Endy将会接拍电影《醉爱》，戏中他会饰演一个花心汉，而Race就暗恋他。
“我本身係一个好专一嘅人，所以我都担心做唔做到呢个角色。不过对手比我有演戏经验，相信佢哋会教到我。因为戏中讲我係个好花心嘅人，所以亲热戏都係唔少得架喇！其实第一次拍戏，我都好紧张，但公司觉得我可以喺音乐以外作多方面发展，所以先帮我安排演舞台剧同拍电影。”; 0

http://butbut.5d.cn/

评论Comments