2005/03/27 | 森美踢爆周國賢自作“業”
类别(一賢#為定) | 评论(0) | 阅读(85) | 发表于 10:50
每個藝人都希望自己有私隱，偏偏新人周國賢就揀咗個電視廣告嚟介紹自己，宣傳最新CD,重請森美同佢一齊對談，大爆自己私生活，究竟內容有幾私人？

周：周國賢 森：森美

森：其實你係點入行？
周：當時喺新西蘭嘅時候，有個熟朋友寄咗啲demo去香港唱片公司，佢叫我寄埋一份，咁我咪寫咗只有成12首歌嘅demo，當時我重為個demo影埋封面同拍埋MV。
森：揾你做demo都幾抵喔，有成12首歌之餘，重會拍埋cover同MV。
周：嗰時我拍埋一段自我介紹嗰短片，短片裏面我就1人分飾2角，1個做番自己，另1個就戴埋假髮，著曬閃衫咁訪問自己。
森：啊！每個藝人都有陰暗面，易服癖好好平常啫，你唔使咁慚愧！咁你寫咗呢個demo後，唱片公司就簽咗你。其實你覺得自己係實力派定偶像派？
周：我唔想分黨分派，其實我覺得靚仔都係實力嘅一種。
森：Haha……咁又係喔，但而家當你係實力派，咁你覺得實力派要有乜條件？
周：識得作曲填詞編曲，如果靚仔重好。
森：咁你戴起假髮上嚟都好靚仔嘅。你老婆又點睇你加入娛樂圈，驚唔驚你見得太多靚女？雖然你個樣似吸引男仔多啲！
周：佢都唔覺得靚仔……之前我試過拍臺灣MV，同女主角拖手同攬，但我即刻拍低成個過程俾我老婆睇。
森：嘩！真係夠曬誠懇，咁你老婆睇完有咩感覺？
周：話拍得幾好，重問點解唔係我拍。
森：等下次有機會先？
周：不過最搞笑都係我個女指住個MV問：“Why not mummy？”


图片如下：
0

评论Comments

日志分类
首页[119]
一賢#為定[44]
星座或测试[25]
生活点滴[0]
靓D、健康D[13]
转载嘅嘢～！！[25]
星sing相识[12]